Програма

Фокус на енергетската ефикасност

Хабитат Македонија иницира пилот проект - Енергетски ефикасни домови, фокусиран исклучиво на финансирање на замената на постоечките енергетски неефикасни прозорци и врати, зголемувајќи го на тој начин капацитетот на термо-изолација во домовите на семејствата со ниски приходи.

Со реализација на овој проект се обезбедува „зелена“ компонента на мисијата на Хабитат во Македонија. Во имплементацијата на активностите ќе се користат адекватни градежни материјали со добри енергетски карактеристики. На тој начин ќе се намали инфилтрацијата на студен воздух преку прозорците, ќе се намали загубата на топлинска енергија и ќе се зголеми ефикасноста на системите за греење. Консеквентно, покрај намалувањето на трошоците за енергија на селектираните домови, проектот ќе придонесе кон редуцирање на локалното загадување, со истовремено вклучување и во борбата против глобалното затоплување.

Имплементирањето на овој пилот проект преку моделот на микро заеми за домување ќе биде организиран преку новоразвиени партнерства со неколку компании специјализирани во производство и промена на прозорци и врати. Компаниите истовремено ќе бидат и финансиски медијатори финансирајќи ги интервенциите кои би чинеле помеѓу 49.500 и 74.300 денари.