Семејната фондација Финерти
му се придружува на Хабитат
Условите на екстремно сиромашни услови на живеење на кои Џон Финерти можеше да се осведочи во текот на неговите претходни посети на Македонија, особено меѓу семејствата со членови кои имаат посебни потреби, го наведоа да преземе несекојдневен чекор. Ова лето, при посетата на селото Рашче на периферијата на Скопје, тој се сретна со семејство кое го знаеше од порано: Сејди Исмани, неговата сопруга со интелектуална попреченост и неговите четири возрасни деца, од кои три се со посебни потреби и не можат да работат. Семејството живееше во куќа без септичка јама, поради што канализациската отпадна вода протекуваше низ дворот; ѕидовите и прозорците беа во толку лоша состојба што на повеќе места можеше да се гледа надвор низ нив и, разбирливо, куќата немаше никаква заштита од екстремно студено или жешко време. Сеиди нема постојано вработување и работи само како сезонски работник, поради што не беше во состојба да земе кредит од Хабитат за реновирање.
Џон Финерти направи еден релативно едноставен, но многу великодушен гест. Имено, тој преку неговата Финерти семејна фондација од Флорида, донираше средства за целосна отплата на кредитот на ова семјество и на неколку други семејства од Рашче, кои исто така имаат членови со посебни потреби. Тој исто така, им помогна со волонтирање во текот на реконструкцијата на нивниот дом. Како почесен член на Управниот одбор на Хабитат Македонија од 2008 година, Џон покани и други поддржувачи, кои му се придружија во оваа иницијатива, а меѓу нив се Пол Волерс, Амбасадор на САД во Република Македонија, Беким Мурати, градоначалник на општина Сарај и Шабан Мемети, директор на Институтот за јавно здравје на Република Македонија.
Чекор по чекор, овој настан кој имаше за цел да го унапреди ова трипартитно партнерство прерасна во широко поддржана иницијатива за превенција и унапредување на индивидуалното и јавното здравје, во исто време поддржувајќи го концептот на енергетска ефикасност во руралните домови. Сепак, за семејството Исмани ова беше голем настан, бидејќи тие добија нова септичка јама, нови ПВЦ прозорци кои ги заменија старите дрвени, и нова фасада, што беше доволно за да се обезбеди значително подобра термичка изолација.
Оваа и другите планирани интервенции во селото Рашче се дел од две одделни програмски сектори на Хабитат Македонија: Водоснабдување и санитација, и Енергетска ефикасност. Покрај реконструкцијата на домовите на локалните жители во селото, овие интервенции имаат и јавно-здравствена компонента, бидејќи спречуваат дополнително загадување на подземните води кои го снабдуваат главниот град Скопје со вода за пиење.
 Амбасадорот Волерс во Рашче
|
 Сеиди Исмани, Џон Финерти и Амбасадорот Пол Волерс
|
Работа на реконструкцијата на домот на семејството Исмани во Рашче
|
Работа на реконструкцијата на домот на семејството Исмани во Рашче |
| |
Сеиди Исмани, Џон Финерти и Амбасадорот Пол Волерс |
Сеиди Исмани, Џон Финерти, Амбасадорот Пол Волерс и Градоначалникот Беким Мурати |
|
