Меѓународен одбор на директори

Годишниот состанок одржан
во Македонија

Меѓународниот одбор на директори на глобалната мрежа Habitat for Humanity International  на 23 и 24 октомври во Скопје го одржа својот годишен состанок. Покрај одржувањето на состанокот Меѓународниот одбор учествуваше и во активностите на Хабитат Македонија при поставувањето на камен темелникот на првата Хабитат населба во Велес. 

Одборот на директори се состанува три пати во годината, два пати во седиштето на Habitat for Humanity International во Атланта и еднаш во земја по нивен избор. Македонија беше избрана како домаќин поради позитивните искуства кои ги имаме во спроведување на програмата Фонд за подобар дом (линк до програмата). Програмата има за цел да ја подобри состојбата на сиромашно домување преку микрофинансиски партнерства. За време на состанокот членовите на одборот имаа можност да посетат партнер семејства на Хабитат Македонија во Шуто Оризари и да се уверат во промената која ние ја донесуваме во нивните домови преку нашите програми.

Меѓународниот одбор на директори на Habitat for Humanity International е почитувана и глобално призната група на јавни личности, деловни луѓе, академски експерти и професионалци од граѓанскиот сектор кои посветуваат непроценливо време и труд на стратегискиот развој на Habitat for Humanity.