Промовиран проектот OSS Habitat

Во присуство на голем број официјални лица, партнери и гости, вклучувајќи претставници на национални институции, локални власти, научната и бизнис заедница, граѓански организации, професионалци за енергетска ефикасност, медиуми и други засегнати страни, на 11 февруари 2025 година се одржа официјална презентација на проектот OSS Habitat.

Проектот One Stop Shop Habitat, имплементиран од Хабитат Македонија и партнерската Асоцијација на бизнис консултанти Креација, е финансиран од Европската Унија преку програмата LIFE. Овој прв македонски проект поддржан од програмата LIFE по нејзиното отворање за македонските корисници има за цел да создаде основа за долгорочни партнерства помеѓу различни субјекти, поттикнувајќи го развојот на иновативни решенија за зголемување на енергетската ефикасност и обновување на станбениот фонд на локално и национално ниво. Истиот воведува, обезбедени на едно место и од еден извор.

Во име на проектниот конзорциум присутните ги поздрави Зоран Костов, извршен директор на Хабитат Македонија. На настанот присуствуваа и се обратија вицепремиерот и министер за транспорт Александар Николовски, заменик-министерот за енергетика Мирослав Лабудовиќ, претставникот на Делегацијата на ЕУ Aлександру Албу како и Натали Клико, претставник на Европска извршна агенција за клима, инфраструктура и животна средина (CINEA) – која се вклучи во живо од Брисел.

Елементите на проектот кои вклучуваат интегрирани услуги за енергетски ефикасно реновирање домови ги презентираше Ристо Иванов, претседател на АБЦ Креација, а за планираните активности зборуваа и претставници на партнерските општини: градоначалниците Љупчо Папазов од Кочани и Стевчо Јакимовски од Карпош, како и Ивана Ѓоргиевска, претседателка на Советот на Општина Куманово.

Во рамките на настанот се одржа и панел - дискусија посветена на регулаторното и деловно опкружување во кое треба да се спроведуваат проектните активности, на која ставови разменија Лилјана Алчева, заменик директор за програма во Хабитат Македонија, заменик министерот Мирослав Лабудовиќ и претставникот на Европската Банка за Обнова и Развој, Наум Рибароски.