ПОВИК ЗА ВКЛУЧУВАЊЕ ВО ПРОЕКТ
до заедниците на сопственици (куќни совети) и станари
од општините Карпош, Куманово, Велес и Тетово
Проектот на УСАИД и Хабитат Македонија за Енергетска ефикасност за секторот за домување во рамките на своите компоненти опфаќа активности за подобрување на енергетската ефикасност во колективните згради лоцирани во општините Карпош, Куманово, Велес и Тетово преку:
- апликација на мерки за енергетска ефикасност на зградите,
- зајакнување на капацитетите на Заедниците на сопственици и
- давање на техничка помош од страна на проектниот тим во текот на имплементацијата на проектот.
Ги покануваме сите заинтересирани граѓани кои живеат во објекти за колективно домување да присуствуваат на презентациите на проектот кои ќе се одржат во горенаведените општини. На презентациите граѓаните ќе имаат можност да се запознаат подетално со планираните активности и во исто време ќе можат да се пријават за нивно учество. Како дел од активностите ќе се изберат и згради на кои ќе им се одобрат заеми за спроведување на градежни интервенции во нивните згради со цел подобрување на енергетската ефикасност. Изборот на згради ќе се врши врз основа на неколку предуслови, како што се:
- зградата да има натпросечна потрошувачка на енергија;
- да биде изградена најмалку пред 10 години и
- мнозинството од станарите да се со пониски приходи.
За да се учествува во проектот потребно е да се пополни образец за пријавување и да се достави до проектот најдоцна до 5-ти декември 2011 до 16:00. Сите заинтересирани заедници на сопственици и станари ги покануваме да поднесат пријава за учество. Пријавите може да се преземат од интернет страната www.habitat.org.mk да се подигнат од канцеларијата на Хабитат Македонија (ул. Никола Парапунов бб, комплекс Макотекс 1 кат, 1000 Скопје) или да се добијат лично при презентациите на проектот што ќе се одржат во секоја од горенаведените општини.
Распоредот за одржување на презентациите е следен:
- Велес – 22.11.2011 голема сала на општина Велес, почеток 18:00
- Куманово – 23.11.2011 сала на Советот на општина Куманово, почеток 11:00
- Тетово – 24.11.2011 голема сала на општина Тетово, почеток 13:00
- Карпош – 25.11.2011 општина Карпош, барака 5, булевар Партизански Одреди бр. 68, почеток 18:00
Пријавите може да се испратат по електронски пат на iee@habitat.org.mk, по пошта (Проект за енергетска ефикасност за секторот за домување, ул. Никола Парапунов бб, комплекс Макотекс 1 кат, 1000 Скопје) или лично да се достават.
За повеќе информации можете да се јавите на телефонскиот број (02) 3061 890.
Преземање:
|
