Награда за нашата работа

Проект на Хабитат – Македонија избран меѓу трите најинвентивни проекти за развој во светот

Ни претставува особено задоволство да ве известиме дека тековната програма Фонд за подобар дом, која што има за цел да ја подобри состојбата на сиромашното домување во Македонија преку микрофинансиски партнерства, беше избрана меѓу трите најиновативни проекти за развој во светот, според оценувањето на Мрежата за глобален развој, партнер на Светска банка.

Трите финалисти беа избрани по поднесувањето на повеќе од 200 проекти од околу 100 држави.

Повеќе информации за процедурата ќе најдете на www.gdnet.org.

Претставници на трите најиновативни проекти беа поканети на деветата Конференција за глобален развој во јануари 2008 во Бризбејн, Австралија, на која присуствуваше тим од Хабитат – Македонија.