Размислувај глобално - делувај глобално
Подгответе се за животна авантура. Светот ве очекува. Придружете се на Global Village тимовите денес и започнете да го менувате светот.
Програмата Global Village (GV) на Habitat for Humanity International нуди кратки патувања кои им овозможуваат на волонтерите директно вклучување и работа на градбите. Заедно со локалните афилијации GV тимовите работат рамо до рамо со партнер семејствата и локалните волонтери за да изградат вистинска заедница на љубов, дом, семејство и надеж.
Habitat for Humanity International на своите GV тимови им нуди единствена можност да станат пријатели со луѓе од целиот свет. Членовите на овие тимови работејќи заедно со членови на локалната заедница се обидуваат да ја подигнат јавната свест за товарот кој го носи сиромашното домување и да го промовираат градењето на едноставни и пристојни домови.
Секое GV патување е различно и секој член на овие тимови може да очекува единствено животно искуство и сеќавања. Престојот е комбинација од работа, одмор и слободно време. Голем дел од тимовите, во зависност од времетраењето на престојот поминуваат неколку дена во посета на локалните културно-историски споменици или учествуваат во разновидни рекреативни активности. Сафари во националните паркови, посета на археолошки локалитети, музеи и цркви, планинарење, сплаварење и кајакарење се дел од искуствата на GV тимовите.
За повеќе информации посетете ја веб страницата www.habitat.org/gv
