Хабитат-Македонија е невладина и непрофитна организација посветена на обезбедување едноставни, пристојни и пристапни решенија за живеалишта на оние што живеат во услови на сиромаштија, без разлика на нивната етничка, полова и религиозна припадност. На тој начин ние им овозможуваме напуштање на условите на сиромашна животна средина и подобрување на квалитетот на нивниот живот.
На оваа група сиромашни лица ние им обезбедуваме експертиза за градба како и градежни материјали што ќе им овозможи поседување на сопствено живеалиште по отплаќањето на бе с каматниот кредит.
Во настојувањето да го збогатиме и подобриме животот на сиромашните, т.е. нашите партнер - семејства и нивните заедници, сите здружени во оваа мисија сме водени од четири суштински вредности - Посветеност, Почитување, Интегритет и Надзорство (грижа).
Посветеност
Ние ја фокусираме нашата енергија и напор кон нашите партнери, нивните семејства и заедницата. Нивните потреби за живеење и очекувања ќе ги одредуваат услугите што им ги нудиме. Нивната добросостојба е нашата главна инспирација.
Почитување
Нашето почитување еден кон друг нi поттикнува да го вреднуваме и потврдуваме достоинството и особеноста на секој партнер поединечно. Ваквото почитување е воедно основа за нашата поврзаност и со заедниците на партнерите, како и со сите останати вклучени во нашата работа - донаторите, локалните власти и бизнис-партнерите.
Интегритет
Посветени сме на активно интегрирање на она што го работиме со она во коешто веруваме. Ние ќе ги направиме вистинските нешта со вистински причини, без разлика дали некој ќе го знае тоа или не.
Надзорство (грижа)
Ние сме посветени во давање квалитетен надзор на нашите средства и на средствата на нашите партнери, кредитори, донатори и останатите учесници, преку внимателно и ефективно користење на времето, вештините и паричните средства кои ги поседуваме. Настојуваме да постигнеме квалитет и да ги максимизираме постоечките можности во остварување на нашата мисија.
